A A A
  • 1940 - Sigríđur Bryndís Helgadóttir
  • 1983 - Laufey Björk Sigmundsdóttir
  • 1984 - Sigurđa Kristín Leifsdóttir
  • 1997 - Agnes Sólmundsdóttir
Flestir ţeirra sem undirrituđu bréfiđ eru frá Ţingeyri. Mynd: Davíđ Davíđsson
Flestir ţeirra sem undirrituđu bréfiđ eru frá Ţingeyri. Mynd: Davíđ Davíđsson
Hópur Vestfirðinga hefur sent frá sér opið bréf til Alþingis, ríkisstjórnar og atvinnurekenda þar sem farið er fram á lækkun launa hjá þeim hæst launuðu í þjóðfélaginu. „Við undirritaðir skorum á alþingi, ríkisstjórn og alla einkaaðila í rekstri að sjá til þess að enginn hafi hærri laun en 1.000.000 kr. -eina milljón króna- á mánuði. Þá beinum við þeim eindregnu tilmælum til ykkar að byrja ekki á skúringakonunum, færibandafólkinu, öskuköllunum og þeim öðrum sem minnst mega sín í þjóðfélaginu þegar þið endurskoðið laun starfsfólks. Lækkið fyrst launin hjá þeim sem mest hafa. Við teljum þetta algjöra nauðsyn eins og málum háttar hjá þjóðinni í dag. Þá viljum við vara við of miklum erlendum lántökum, svo íslenska þjóðin fari ekki úr öskunni í eldinn", segir í bréfinu en um 30 manns hafa undirritað það....
Meira
11.11.2008 - 21:50 | JÓH

Eldiskví í Ţingeyrarhöfn

Um 14-15 ţúsund regnbogasilungaseiđi eru í kvínni núna. Mynd: Jóhanna Ósk
Um 14-15 ţúsund regnbogasilungaseiđi eru í kvínni núna. Mynd: Jóhanna Ósk
Eldiskví í eigu fyrirtækisins Dýrfisks liggur nú við höfnina á Þingeyri. Í kvínni eru um 14-15 þúsund regnbogasilungaseiði en von er á 32 þúsundum til viðbótar í dag. Kvíin verður líklegast dregin í Haukadalsbótina á miðvikudagsmorgun þar sem hún mun liggja í vetur en stefnan er að slátra fiskinum seinni parts næsta sumars. Að sögn Brynjars Gunnarssonar, sem hefur umsjón með kvínni, hefur ekki verið tekin ákvörðun um hvar fiskurinn verður unnin eða á hvaða markað hann fer - væntanlega þó þangað sem mest fæst fyrir hann....
Meira
10.11.2008 - 21:51 | JÓH

Vel heppnađ Hjónaball

Camilla Sigmundsdóttir var annar heiđursgesta á Hjónaballinu. Mynd: Erna Höskuldsdóttir
Camilla Sigmundsdóttir var annar heiđursgesta á Hjónaballinu. Mynd: Erna Höskuldsdóttir
Hjónaballið fór fram í 74. sinn um nýliðna helgi. Um 120 manns voru saman komnir í sínu fínasta pússi í Félagsheimilinu á Þingeyri og gerðu sér glaðan dag. Að sögn Ernu Höskuldsdóttur, formanns Hjónaballsnefndar í ár, var almenn ánægja með ballið og þóttu Jóhannes Oddur matreiðslumeistari og Benedikt Sigurðsson veislustjóri, leysa verkefni sín einstaklega vel af hendi. Sérstakir heiðursgestir á ballinu voru Camilla Sigmundsdóttir og Knútur á Kirkjubóli en þau eru bæði á tíræðisaldri og hafa mætt oftar á Hjónaball en nokkur annar. Fleiri myndir frá Hjónaballinu eru væntanlegar á myndasíðuna á næstu dögum
01.11.2008 - 21:54 | Tilkynning

Breytt dagsetning á myndaskođun

Ágætu Dýrfirðingar! Því miður flyst áður auglýst myndaskoðun félagsmanna til laugardagsins 8. nóvember kl. 10:30 - 12:30. Við munum hittast í Norræna húsinu. Ef einhverjar spurningar vakna hafið þá samband við Bergþóru í síma 824-1958.

Bestu kveðjur og fyrirfram þakkir

f.h. Dýrfirðingafélagsins
Bergþóra Valsdóttir
s. 824-1958

01.11.2008 - 21:53 | Tilkynning

Hjónaball 2008

Frá Hjónaballi 2004
Frá Hjónaballi 2004
Hið árlega og virðulega Hjónaball mun verða haldið í 74. sinn í Félagheimilinu á Þingeyri þann 8. nóvember 2008

Hinn síkáti og fjölhæfi veislustjóri verður Benedikt Sigurðsson, sundþjálfari frá Bolungarvík. Jóhannes Oddur matreiðslumeistari mun sjá um kræsingar á borðum og munu Safngripirnir spila fyrir dansi. Húsið mun opna kl. 19:00 Miðaverð fyrir borðhald er kr. 4500. Miðaverð fyrir borðhald og ball er kr. 5900

...
Meira
28.10.2008 - 23:07 | bb.is

Um 450 ţíg. tonn til Ísafjarđarbćjar

Ţingeyri. Mynd: bb.is
Ţingeyri. Mynd: bb.is
Ísafjarðarbæ hefur verið úthlutað rúmlega 450 þíg. tonnum fyrir fiskveiðiárið 2006/2007 samkvæmt endurúthlutun Fiskistofu á byggðakvóta. Byggðakvóta sveitarfélagsins er skipt þannig niður að 87 þíg. tonn koma í hluta Þingeyrar sem skiptist niður á fimm báta. Flateyri fær í sinn skerf 29 þíg. tonn sem deilt er til þriggja báta. Suðureyri fær 93 þíg. tonn fyrir tíu báta. Hnífsdalur 22 þíg. tonn fyrir einn bát skips og Ísafjörður fær í sinn hlut 223 þíg. tonn fyrir sex báta. Frá því er greint á vef Fiskistofu að úthlutun byggðakvóta þess fiskveiðiárs er nú endanlega lokið. Samtals var úthlutað 4.213.637 þorskígildiskílóum af þeim 4.383.000 sem skipt var milli einstakra byggðarlaga.
20.10.2008 - 23:14 | bb.is

Jarđgöng á Vestfjörđum bođin út

Fyrirhuguđ göng. Mynd: Vegagerđin
Fyrirhuguđ göng. Mynd: Vegagerđin
Jarðgöng milli Arnarfjarðar og Dýrafjarðar verða boðin út á næsta ári ef allt gengur eftir. Samkvæmt tillögu að matsáætlun, sem Náttúrustofa Vestfjarða vann fyrir Vegagerðina, þarf verkið í umhverfismat vegna þess að nýlögn vegar ásamt lengd ganga er meiri en 10 km. Núverandi vegur milli norður og suðursvæðis Vestfjarða þykir óviðunandi bæði vegtæknilega og með tilliti til umferðaröryggis segir í matsáætluninni. Hafa þessar erfiðu samgöngur eða samgönguleysi aftrað mjög samskiptum milli íbúa Barðastrandasýslna og Ísafjarðarsýslna. Vegurinn er aðeins fær yfir sumarið, Hrafnseyrarheiðin þykir stórhættuleg vegna snjóflóðahættu og Dynjandisheiðin er oft leiðinleg yfirferðar....
Meira
20.10.2008 - 23:11 | bb.is

Sviđsettu flugslys

Fórnarlömb slyssins voru mörg hver alvarlega slösuđ. Mynd: bb.is
Fórnarlömb slyssins voru mörg hver alvarlega slösuđ. Mynd: bb.is
Flugslysaæfing fór fram á ytri enda flugbrautar Þingeyrarflugvallar í Dýrafirði á laugardag. Um áttatíu manns tóku þátt í æfingunni en sviðsett var flugslys þar sem tuttugu manna flugvél hafði brotlent og stóð flugvélaflakið í björtu báli er björgunarfólkið kom á vettvang. Slökkva þurfti eldinn og bjarga farþegum út úr flakinu sem lágu ýmist þar eða á víð og dreif um svæðið, ýmist slasaðir eða látnir. Lögreglan á Vestfjörðum, slökkvilið frá Ísafirði og Þingeyri, björgunarsveitir frá Vestfjörðum og sjúkraflutningsmenn frá Ísafirði tóku þátt í æfingunni sem gekk vel að sögn skipuleggjenda hennar en það var Flugverndar- og björgunardeild Flugstoða sem hafði yfirumsjón með æfingunni.
Eldri fćrslur
« Maí »
S M Ţ M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31