A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
21.05.2016 - 06:29 | Vestfirska forlagið,Hallgrímur Sveinsson

Tölvumál: - Góð þjónusta hjá Snerpumönnum innan lands sem utan

Björn Davíðsson.
Björn Davíðsson.
« 1 af 2 »

 Við fluttum upp á Brekku frá Þingeyri fyrir skömmu. Þá brá svo við, að nettengingin við bæinn var alveg ga-ga. Allt í algjörum hægagangi og ég veit ekki hvað. Þær voru alveg brjálaðar í morgun Guðrún eldri og yngri á Brekku í Dýrafirði. Þær ætluðu nefnilega að horfa á þáttinn um æðarfuglinn blessaðan, sem kom í sjónvarpinu um daginn. Þær heimtuðu að ég hringdi í Snerpu eins og skot og kvartaði yfir þessu. Ég hringdi í Bjössa Davíðs sem ber þar ábyrgð á öllu. Hann var sagður erlendis. Þeir eru alltaf einhversstaðar út í löndum þessir kallar.

   Jæja. Þá bara talaði ég við Sturlu. Hann var nú ekki lengi að snúa sér við.

Eftir klukkutíma var komið þetta fína netsamband. Og allt fallið í ljúfa löð hjá Guðrúnunum. Eftir annan klukkutíma hringir þá ekki Bjössi sjálfur. Og hvaðan haldið þið? Bara alla leið frá Toronto í Kanada. Langt frá öllum skógareldum. Slydda var veðurs, en ekki mikill vindur. Ég sagði honum auðvitað að allt væri komið undir kontról. Hann var ánægður að heyra það.

Svona eiga sýslumenn að vera!

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31