A A A
  • 1935 - Soffía Einarsdóttir
06.08.2016 - 07:16 | Vestfirska forlagið,Magnús Ólafs Hansson,Hallgrímur Sveinsson

Skilti á kolvitlausum stað!

Umrætt skilti sem Magnús Ólafs Hansson og fleiri vill láta setja á réttan stað. Við munum birta betri myndir af skiltinu og núverandi umhverfi þess innan skamms.
Umrætt skilti sem Magnús Ólafs Hansson og fleiri vill láta setja á réttan stað. Við munum birta betri myndir af skiltinu og núverandi umhverfi þess innan skamms.
« 1 af 2 »

Vegna fréttarinnar hér á Þingeyrarvefnum um Minnisvarðann um Kollabúðafundina sem afhjúpaður var 29. júlí 1979 hefur hinn skeleggi Vestfirðingur Magnús Ólafs Hansson haft samband við okkur. Magnúsi er mikið niðri fyrir. Hann segir:

  

„Leyfi mér að senda þér upplýsingar um skelfilega afgreiðslu á upplýsingaskilti sem minna átti á umrædda fundi og póstsendingar sem ég sendi frá mér á þeim tíma. Skiltið átti auðvitað að setja upp við minnismerki um Kollabúðafundina á Kollabúðareyrum við Músará. Þetta skilti er búið að vera þarna í fjölda ára og verður sá hinn sami sem setti það upp eða lét setja það upp að koma því fyrir á réttum stað.

 

Magnús segir svo:

 

   Fyrir allmörgum árum mun Vegagerðin hafa sett upp skilti í Þorskafirði nánar tiltekið við minnisvarða um Matthías Jochumsson frá Skógum en gerður var þar áningastaður. Þetta skilti getur engan veginn hafa átt að setja þarna niður heldur við minnisvarða á Kollabúðareyrum við Músará.

   Á umræddu skilti stendur m.a. : Þingstaður fyrir Vestfirði var að fornu hér á Kollabúðaeyrum við Músará.  

   Þetta er afar bagalegt að sjá þetta og þá sérstaklega fyrir ferðamenn. Lagt er til að Vegagerðin sjái um að fjarlægja umrætt skilti frá áningastað við minnismerki Matthíasar Jochumssonar og komi því fyrir á Kollabúðaeyrum við Músará við minnismerki Þorskafjarðarþinga þar sem það réttilega á að vera.“

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31