A A A
  • 1940 - Sigríđur Bryndís Helgadóttir
  • 1983 - Laufey Björk Sigmundsdóttir
  • 1984 - Sigurđa Kristín Leifsdóttir
  • 1997 - Agnes Sólmundsdóttir
11.01.2017 - 20:18 | Vestfirska forlagiđ,Hallgrímur Sveinsson

Nýi samgönguráđherrann er Dýrfirđingur í húđ og hár!

Jón Gunnarsson samgönguráđherra - Dýrfirđingur í húđ og hár ef svo mćtti segja.  Ljósm.: visir.is
Jón Gunnarsson samgönguráđherra - Dýrfirđingur í húđ og hár ef svo mćtti segja. Ljósm.: visir.is

Gárungarnir segja að forsetinn hafi verið kominn á fremsta hlunn með að skipa utanþingsstjórn um daginn. Slík stjórn var í pípunum hér vestra í Vestfirsku Ölpunum eins og kom fram á Þingeyrarvefnum. En nú er sem sagt búið að forða því að hún verði kölluð til.

   Á vefnum kom fram í morgun að tveir forystumanna hinnar nýju ríkisstjórnar eru geirnegldir hingað vestur í sýsluna. Það eru þeir Óttar Proppé, sem sækir mikið í Dýrafjörðinn og einn af hinum mýmörgu tengdasonum Önundarfjarðar, Benedikt Jóhannesson.  

En hvað haldið þið? Er svo ekki þriðji ráðherrann, Jón Gunnarsson, samgönguráðherra með meiru, Dýrfirðingur í húð og hár ef svo mætti segja. Amma hans var Helga Þorbergsdóttir, systir Leifs Þorgbergssonar skipstjóra, Lobba í Þorbergshúsi á Þingeyri. Faðir hans, Gunnar, var með annan fótinn hjá afa sínum og ömmu í Þorbergshúsinu á yngri árum sínum og minntist þeirra daga með ánægju.

Sjá Mannlíf og sögu, 13. hefti, en þar eru margar myndir af fólki nýja ráðherrans í grein sem heitir Úr myndasafni Gunnars Jónssonar.

   Og hver veit nema hægt sé að tengja einhverja fleiri af nýju ráðherrunum hingað í Vestur-Ísafjarðarsýslu ef út í það er farið!


« Maí »
S M Ţ M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31