Svona lítur nú nýja brúin út í myrkrinu. Ljósmyndirnar tók H.S.

Verið var að ljúka við uppfyllingu á möl að brúnni. Þar stóð að verki sá vaski Valdemar Jónsson hjá Græði í Varmadal í Önundarfirði.

Okkur Bjössa á Ósi var boðið í kaffi og létt spjall í vegavinnuskúrnum. Frá vinstri: Þórbergur Guðmundsson frá Hvammstanga, Þorbjörn Pétursson frá Ósi, Birgir Þór Þorbjörnsson frá Hvammstanga og Vilhjálmur Arnósson frá Króksfjarðarnesi, nú búsettur í Búðardal. Hann er heldur betur tengdur hingað vestur. Kona hans er Dagný Lára Mikaelsdóttir, ættuð frá Brekku. Ljósmyndirnar tók H. S.

Felumynd. Hver er hér undir stýri á bílnum sínum? Við segjum ekki meir og nefnum engin nöfn fyrr en á morgun eða hinn!

« 1 af 4 »

Nú er komið að verklokum við nýju brúna á Kirkjubólsá í Dýrafirði. Við fórum og heimsóttum hina vösku brúarsmiði seinni partinn í dag. Að vísu var dottið á myrkur. Það er svo fljótt að detta á þessa dagana. En kom ekki að sök. 

   Brúarsmíðin hefur bara gengið vel að sögn brúarsmiða. Og það þrátt fyrir að veður hafi verið alls konar. Brúin er úr steinsteypu með stálbitum og timburgólfi. Að sögn fyrirliðans, Vilhjálms Arnórssonar, sem er yfirmaður á staðnum í fjarveru Sigurðar Halls Sigurðssonar brúarsmiðs, fóru 28 rúmmetrar af steypu í brúna. Er það svipað og í meðal íbúðarhús. Þetta er náttúrlega extra sterk steypa, en 400 kg af sementi fóru í rúmmetrann. Reiknað er með að jafnvel verði hægt að aka yfir brúna, fimmtudaginn 10. des.

Nú er bara spurningin hvort þessi brú fær nafn eins og Liljubrúin í Mosdal, sem var byggð af sömu köppum um daginn

Ljósmyndirnar tók H. S.