A A A
  • 1953 - Sk˙li Arnbj÷rn ElÝasson
  • 2002 - Gu­brandur Jˇn Jˇnsson
15.03.2016 - 20:48 | bb.is,Vestfirska forlagi­

═b˙ar Ý KardemommubŠnum flytja l÷gheimili sitt Ý Dřrafj÷r­

KardemommubŠrinn og hluti Ýb˙a hans, eins og ■eir birtast ß Ůingeyri.
KardemommubŠrinn og hluti Ýb˙a hans, eins og ■eir birtast ß Ůingeyri.
Þessa dagana eru íbúar í Kardemommubænum í óða önn við að gera heimkynni sín klár, svo bjóða megi til bæjarins á laugardag, en þá mun leikdeild Höfrungs á Þingeyri frumsýna hið vinsæla verk Thorbjörns Egner, Kardemommubæinn í Félagsheimili Þingeyrarar. Leikdeild Höfrungs á Þingeyri hefur verið sérlega iðin við kolann síðustu ár og sett upp vandaðar og vinsælar leiksýningar fyrir alla fjölskylduna, eins og ævintýrið um kraftastúlkuna knáu Línu langsokk og Galdrakarlinn í Oz, með öllum sínum skrautlegu persónum. 

Verkið um fólkið í Kardemommubæ hefur verið meðal vinsælustu barnaleikrita allra tíma hér á landi og íbúar staðarins fundið sér stað í hjörtum barna á öllum aldri. Þar má nefna Bastían bæjarfógeta sem gætir þess að allt sé í röð og reglu í bænum, Sörensen rakara, Tomma og Kamillu litlu. Þeir félagar Kasper, Jesper og Jónatan eru þó sennilegast hve frægastir Kardemommubæjarbúa, nema ef vera kynni að hörkutólið hún Soffía frænka tæki þeim fram í vinsældum. 

Sýningin er sérlega viðamikil, þar sem um 20 leikarar koma fram og annar eins fjöldi kemur við sögu á bakvið tjöldin við að farða leikarana, lýsa leiksviðið, selja miða, smíða leikmynd og svo ótal margt annað, þannig að leiða má að því líkur að um 17% íbúa á Þingeyri taki þátt í uppsetningunni.

Kardemommubærinn verður frumsýndur laugardaginn 19. mars kl.14. Önnur sýning verður strax daginn eftir á sama tíma. Á páskum verða þrjár sýningar tvær á föstudaginn langa 25. mars kl.13 og 17. Loks verður leikurinn sýndur á laugardag 26. mars kl.13. Miðasala á allar sýningar er þegar hafin í síma: 864 2974.
« ┴g˙st »
S M Ů M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31