Hrós vikunnar fá sjúkraflutningamennirnir á Þingeyri. Þeir eru á vaktinni allan sólarhringinn, allan ársins hring. Þeirra starf er algjörlega ómetanlegt fyrir samborgarana. Dýrfirðingarnir Sigmundur Þórðarson, Jón Reynir Sigurðsson, Steinn Ólafsson og feðgarnir Kristján Gunnarsson frá Hofi og Róbert Daníel Kristjánsson eru í þessum hópi vaskra drengja.

   Dýrafjarðardeild Rauða krossins á sjúkrabílinn sem staðsettur er á Þingeyri. Heilbrigðisstofnun Vestfjarða sér um rekstur á honum og útvegar nauðsynleg lyf sem þurfa að vera við höndina þegar í harðbakkann slær.