A A A
  • 1935 - Soffía Einarsdóttir
16.07.2018 - 13:55 | Hallgrímur Sveinsson

Hreppsnefnd Auðkúluhrepps biður um gott veður

Hreppstjórinn er húfulaus og oddvitinn er ekki laus við rúmbu og rokk!
Hreppstjórinn er húfulaus og oddvitinn er ekki laus við rúmbu og rokk!

Gamla hreppsnefndin í Auðkúluhreppi kom undan feldinum í gærmorgun. Þar hefur hún legið um nokkurt skeið og íhugað ýmis framfaramál hreppsins að fornu og nýju. Ævintýrið um Dýrafjarðargöngin hefur blásið nýju lífi í hina gömlu hreppsnefnd. Aldrei að vita til hvers það getur leitt. Því nú er lag. Í núverandi hreppsnefnd Auðkúluhrepps eru ýmsir nafnkunnir menn hér vestra, bæði lífs og liðnir. Og sumir jafnvel á mörkunum.

Á fundi hreppsnefndarinnar í gær var m. a. rætt um veðurfarið. Samþykkti nefndin samhljóða að beina þeim tilmælum til almættisins að láta okkur fá nokkra góða daga án Guðnýjar, með sól og sumri. Vætan mætti svo gjarnan hellast yfir þá í Skandinavíu og Danmörku, þar sem allt er að skrælna. Þess má geta að veðurfarsályktanir nefndarinnar hafa oft borið mjög góðan árangur!

Þá ræddi hreppsnefndin ýmis önnur hagsmunamál hins forna hrepps, svo sem eins og embætta-og heiðursviðurkenningar. Verður nánar sagt frá því síðar.

 

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31