A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
14.07.2016 - 22:24 | Vestfirska forlagið,Hallgrímur Sveinsson

Handverkshópurinn Koltra í góða veðrinu: - Engar vörur sko hjá þeim Made in China!

Gunnhildur Elíasdóttir spíkar við annan vestanmanninn. Ljósm. BIBarinn.
Gunnhildur Elíasdóttir spíkar við annan vestanmanninn. Ljósm. BIBarinn.

Fyrir nokkru komu tíðindamenn New York Times og fleiri stórblaða þar vestra í kurteisisheimsókn til Dýrafjarðar eða þannig. Þeir komust náttúrlega ekki hjá að líta við hjá Handverskhópnum Koltru, en hann er heimskunnur í Dýrafirði sem kunnugt er og þó víðar væri leitað. Þar er meðal annars feikilegt úrval af smart og lekkeru prjónlesi af öllum tegundum. Öll sú vinna byggir á gömlum dýrfirskum merg og er rosalega flott hvernig sem á er litið.

    Ein Koltrukvenna, Gunnhildur Elíasdóttir, sat fyrir svörum þegar þeir vestanmenn dúkkuðu uppá. Sagði hún þeim aðspurð, skýrt og skorinort, að hjá Koltru væru sko engar vörur seldar undir merkinu Made in China. Og hananú!

   Ragnheiður Önnudóttir, formaður Koltrukvenna, segir að þær panti engar vörur frá fjölmennasta ríki heims. Það er nóg af konum sem prjóna á Íslandi. Og í Dýrafirði er bara prjónað og saumað nærri því á hverjum bæ! Ragnheiður segir að lopapeysurnar séu í dag  á svipuðu verði og í fyrra, öðru hvoru megin við 20 þúsund kr. eftir gerðum.

Mikil og jöfn sala hefur verið á vörulínu þeirra kvennanna í sumar. Er það mikið ánægjuefni að verið sé að bjóða blessuðu ferðafólkinu upp á original vörur sem framleiddar eru á heimaslóðum. Þetta er ekki eitthvert „djönk“ sem framleitt er erlendis.



    

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31