A A A
  • 1982 - Ólafía Steinarsdóttir
29.04.2009 - 00:19 | bb.is

Fyrsta mót sumarsins á Međaldalsvelli

Hin ćgifagra og stórskemmtilega sjöunda hola á Međaldalsvelli.
Hin ćgifagra og stórskemmtilega sjöunda hola á Međaldalsvelli.
Fyrsta golfmót sumarsins á NV-Vestfjörðum verður haldið af Golfklúbbnum Glámu á Meðaldalsvelli í Dýrafirði á laugardag og hefst kl. 9. Hægt er að skrá sig á rástíma á golf.is milli kl. 9 og 10. Leikið verður með punktafyrirkomulagi og er 1500 króna þátttökugjald. Mótið er styrkt af fiskvinnslunni Vísi hf. og gjafabréf frá Golfbúðinni í Hafnarfirði eru í verðlaun. Brýnt er fyrir leikmönnum að Meðaldalsvöllur er mjög mjúkur um þessar mundir og er illa séð af meðlimum Glámu ef leikmenn lagfæra ekki boltaför á flötum. Brýnt er fyrir mönnum að lagfæra bolta- og kylfuför á vellinum og sýna af sér fyrirmyndarumgengni líkt og golfurum sæmir. Þátttakendur á laugardag verða krafðir um að sýna flatargaffla við fyrsta teig, en þeir eru nauðsynlegir til að sinna viðgerðum á flötum.

Völlurinn kemur engu að síður mjög vel undan vetri. Engir kalblettir eru en þó nokkur mosi er á brautum. Vakin er athygli á að ekki er lengur fríspil á milli golfklúbba á norðanverðum Vestfjörðum og þurfa félagar utan golfklúbbs Glámu að greiða 1500 krónur ætli þeir sér að spila á Meðaldalsvelli. Einnig geta þeir fengið aukaaðild í klúbbnum sem kostar 7.500 krónur eða keypt sér kort sem gildir út maímánuð fyrir 5.000 krónur.

« September »
S M Ţ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30