Arnarfjarðarför í fögru haustveðri 4. - Dýrafjarðargöng verða næst á dagskrá segir frú Nordal
Næst er frá því að segja í þessari ferðarollu, að við áðum á Rauðsstöðum og tókum mynd af fjallshlíðinni þar sem Dýrafjarðargöng eiga að koma út Arnarfjarðarmegin.
Svo var haldinn fundur í fjáhúsunum á Borg. Þar kom fram hjá einum fundarmanna, Steinari R. Jónassyni rafstöðvarstjóra, að frú Ólöf Nordal hefði lýst því yfir fyrir austan um daginn, að Dýrafjarðargöng yrðu næst í gangaröðinni. Útboð er fyrirhugað á næsta ári og einhverjar krónur er búið að setja til hliðar svo hægt sé að taka sólarhæðina. Nú er bara beðið eftir samgönguáætlun, sem væntanlega verður samþykkt á Alþingi fyrir jól segir Steinar.
En það eru ekki bara göngin. Heldur er nú í bígerð nýr heilsársvegur yfir Dynjandisheiði. Er stefnt að því að ljúka honum í kjölfar opnunar Dýrafjarðarganga segir Steinar.
Bravó!
